News Update

ಕಲಾಕುಲ್ ನಾಟಕ್ ರೆಪರ್ಟರಿನ್ ಮಾಂಡುನ್ ಹಾಡ್ಲಲ್ಯಾ ಕಲಾಕುಲೋತ್ಸವ್-2019 ಹಾಚೆಂ ಉಗ್ತಾವ್ಣೆ ಕಾರ್ಯೆಂ 17.08.2019 ವೆರ್ ಸಾಂಜೆರ್ 6.00 ವೊರಾರ್ ಸಾಂ ಲುವಿಸ್ ಕೊಲೆಜಿಚ್ಯಾ ಎಲ್‌ಸಿಆರ್‌ಐ ಸಾಲಾಂತ್ ಚಲ್ಲೆಂ.

ಸಂಸ್ಥ್ಯಾಚೊ ದುಡ್ವಾ ಅಧಿಕಾರಿ ಬಾಪ್ ವಿನ್ಸೆಂಟ್ ಪಿಂಟೊನ್ ಚೆಂಡೆ ಬಡೊವ್ನ್ ಕಾರ್ಯೆಂ ಉಗ್ತಾವ್ನ್ ಬರೆಂ ಮಾಗ್ಲೆಂ. ವೆದಿರ್ ಭೌತ್‌ಶಾಸ್ತಿರ್ ಪ್ರಾಧ್ಯಾಪಕ್ ಲೊರೆನ್ಸ್ ಪಿಂಟೊ, ಮಾಂಡ್ ಸೊಭಾಣ್ ಅಧ್ಯಕ್ಷ್ ಲುವಿ ಪಿಂಟೊ, ಕಾರ್ಯದರ್ಶಿ ಕಿಶೋರ್ ಫೆರ್ನಾಂಡಿಸ್, ಕೊಲೆಜ್ ನಾಟಕ್ ಸಂಘಾಚಿ ಅಧ್ಯಕ್ಷಿಣ್ ಸುಧಾ ಕುಮಾರಿ, ಪತ್ರಿಕೋದ್ಯಮ್ ವಿಭಾಗಾಚಿ ಪ್ರಾಧ್ಯಾಪಕ್ ಆನಿ ನಾಟಕ್ ತರ್ಬೆತ್‌ದಾರ್‍ನ್ ಭವ್ಯ ಹಾಜರ್ ಆಸ್ಲಲಿಂ. ಸಯ್ರ್ಯಾಂಕ್ ನಾಟಕ್ ಪುಸ್ತಕ್ ಪ್ರತಿಯೊ ದೀವ್ನ್ ಮಾನ್ ಕೆಲೊ.

ಉಪ್ರಾಂತ್ ಅರುಣ್ ರಾಜ್ ರೊಡ್ರಿಗಸಾನ್ ಕೊಂಕಣಿಕ್ ಹಾಡುನ್, ವಿದ್ದು ಉಚ್ಚಿಲ್ ಹಾಣೆಂ ನಿರ್ದೇಶನ್ ದಿಲ್ಲೊ ಸೊಫೊಕ್ಲಿಸಾಚೊ ಆಂಟಿಗೊನ್ ನಾಟಕ್, ಸುಶ್ಮಿತಾ ತಾವ್ರೊ, ಮನೀಶ್ ಪಿಂಟೊ, ಫ್ಲಾವಿಯಾ ಮಸ್ಕರೇನ್ಹಸ್, ಸವಿತಾ ಸಲ್ಡಾನ್ಹಾ, ಆಮ್ರಿನ್ ಡಿಸೋಜ, ಜೀವನ್ ಸಿದ್ದಿ, ಶ್ರವಣ್ ಬಾಳಿಗಾ ಆನಿ ರೆನೊಲ್ಡ್ ಲೋಬೊನ್ ಸಾದರ್ ಕೆಲೊ. ಗುರುಮೂರ್ತಿ ವಿ.ಎಸ್. ಹಾಣೆಂ ಸಂಗೀತಾಂತ್ ಸಹಕಾರ್ ದಿಲೊ.

ಕಲಾಕುಲೋತ್ಸವಾಚೊ ದುಸ್ರೊ ನಾಟಕ್ ಪೇಯಿಂಗ್ ಗೆಸ್ಟ್ 25.08.2019 ವೆರ್ ಸಾಂಜೆರ್ 6.30 ವೊರಾರ್ ವಾಮಂಜೂರ್ ಇಗರ್ಜೆ ಸಭಾಭವನಾಂತ್ ಚಲ್ತಲೊ.