News Update

ಮಾಂಡ್ ಸೊಭಾಣ್ ಮ್ಹಯ್ನ್ಯಾಳಿ ಮಾಂಚಿ ಶಿಂಕ್ಳೆಂತ್ 247 ವೆಂ ಕಾರ್ಯೆಂ ಜಾವ್ನ್ ಪೆಟ್ಲೆಲಿ ದಿವ್ಲಿ ವಾರ್‍ಯಾಕ್ ಸಾಂಪ್ಡತಾನಾ ತಿಯಾತ್ರ್ ಸಾದರ್ ಜಾಲೊ. 03.07.2022 ವೆರ್ ಕಲಾಂಗಣಾಂತ್ ಚಲ್ಲಲ್ಯಾ ಹ್ಯಾ ಕಾರ್‍ಯಾಕ್ ಬರೊವ್ಪಿ ಆನಿ ಸಂಘಟಕ್ ರಿಚ್ಚಿ ಮೊರಾಸ್ ಹಾಣಿಂ ಘಾಂಟ್ ವ್ಹಾಜೊವ್ನ್ ಚಲಾವಣ್ ದಿಲೆಂ. ಮಾಂಡ್ ಸೊಭಾಣ್ ಅಧ್ಯಕ್ಷ್ ಲುವಿ ಪಿಂಟೊ, ಕಾರ್ಯದರ್ಶಿ ಕಿಶೋರ್ ಫೆರ್ನಾಂಡಿಸ್ ಆನಿ ಸಂಘಟಕ್ ಸ್ಟ್ಯಾನಿ ಆಲ್ವಾರಿಸ್ ಹಾಣಿಂ ಸಾಂಗಾತ್ ದಿಲೊ.

ಉಪ್ರಾಂತ್ ಸಾಂತ್ ಫ್ರಾನ್ಸಿಸ್ ಆಸ್ಸಿಸಿ ಕಲಾ ಮೇಳ್, ಹಡಿನಬಾಳ್, ಹೊನ್ನಾವರ್ ಹ್ಯಾ ಪಂಗ್ಡಾ ಥಾವ್ನ್ ದಿನೇಶ್ ಲೋಪಿಸ್ ಹಾಣೆಂ ಬರಯಿಲ್ಲೊ ಪೆಟ್ಲೆಲಿ ದಿವ್ಲಿ ವಾರ್‍ಯಾಕ್ ಸಾಂಪ್ಡಾತಾನಾ ತಿಯಾತ್ರಾಚೆಂ 15 ವೆಂ ಪ್ರದರ್‍ಶನ್ ಸಾದರ್ ಜಾಲೆಂ. ಹ್ಯಾ ನಾಟಕಾಕ್ ಕ್ರಿಜೊಸ್ತ್ ಲೋಪಿಸ್ ಹಾಣೆಂ ನಿರ್ದೇಶನ್ ದಿಲ್ಲೆಂ ಆಸುನ್, ಪ್ರಕಾಶ್ ಗೊನ್ಸಾಲ್ವಿಸಾನ್ ಪಂಗ್ಡಾಚೊ ಹಾರ್‌ಭಾರ್ ಸಾಂಬಾಳ್‌ಲ್ಲೊ.

Photos : Stanly Bantwal