News Update

ಮಾಂಡ್ ಸೊಭಾಣ್ ಮಹತ್ವಾಕಾಂಕ್ಷಿ ಯೆವ್ಜಣ್ ಅಸ್ಮಿತಾಯ್ ಫಿಲ್ಮಾಚೆಂ ಮುಹೂರ್ತ 30.01.23 ವೆರ್ ಸಕಾಳಿಂ ಕಲಾಂಗಣಾಂತ್ ಚಲ್ಲೆಂ. ಮಾ. ಮಾರ್ಕ್ ವಾಲ್ಡರ್ ಬಾಪಾನ್ ಬೆಸಾಂವ್ ಘಾಲೆಂ ತರ್, ಕೊಂಕ್ಣಿ ಚಲ್ ಚಿತ್ರ್ ಶೆತಾಕ್ ಉಂಚಾಯ್ ದಿಲ್ಲ್ಯಾ ರಿಚಾರ್ಡ್ ಕ್ಯಾಸ್ತೆಲಿನೊನ್ 'ಕ್ಲಾಪ್' ಮಾರ್ನ್ ಚಲಾವಣ್ ದಿಲೆಂ. ದಿರೆಕ್ತೊರ್ ವಿಲಾಸ್ ರತ್ನಾಕರ್ ಕ್ಷತ್ರಿಯ ಹಾಣೆಂ ಆಕ್ಷನ್-ಕಟ್ ಸಾಂಗ್ಲೆಂ ಆನಿ ಸಿನೆಮಾಟೊಗ್ರಾಫರ್ ಬಾಲರಾಜ್ ಗೌಡಾನ್ ಪಯ್ಲೆಂ ದೃಶ್ಯ್ ಕೆಮರಾಂತ್ ಫಿಚಾರ್ ಕೆಲೆಂ.

ದೋನ್ ಶೆಡ್ಯೂಲಾಂನಿ ಮಂಗ್ಳುರ್, ಚಿಕ್ ಮಗ್ಳುರ್, ಉತ್ತರ್ ಕನ್ನಡ ಆನಿ ಗೊಂಯಾಂತ್ ಶೂಟಿಂಗ್ ಜಾವ್ನ್ ಸೆಪ್ಟೆಂಬರಾಂತ್ ಫಿಲ್ಮ್ ಥಿಯೆಟರಾಂತ್ ರಿಲೀಸ್ ಜಾತಲೆಂ ಮ್ಹಣ್ ನಿರ್ಮಾಪಕ್ ಲುವಿ ಜೆ ಪಿಂಟೊ (ಮಾಂಡ್ ಸೊಭಾಣಾ ತರ್ಪೆನ್) ಕಳಯ್ಲಾಂ.