News Update

ಮಾಂಡ್ ಸೊಭಾಣಾಚ್ಯಾ ಮ್ಹಯ್ನ್ಯಾಳ್ಯೆ ಮಾಂಚಿಯೆಚೆಂ 266 ವೆಂ ಕಾರ್ಯೆಂ 2024 ಫೆಬ್ರೆರ್ 04 ವೆರ್ ಕಲಾಂಗಣಾಂತ್ ಚಲ್ಲೆಂ. ಅನಿವಾಸಿ ರಂಗ್ ಮಾಂಚಿ ಕಲಾಕಾರ್ ಆಲ್ವಿನ್ ಪಿಂಟೊ, ದೇರೆಬೈಲ್ ಹಾಣೆಂ ಘಾಂಟ್ ವ್ಹಾಜೊವ್ನ್ ಕಾರ್ಯಾಕ್ ಚಲಾವಣ್ ದಿಲೆಂ. ಗುರ್ಕಾರ್ ಎರಿಕ್ ಒಝೇರಿಯೊ ಆನಿ ಖಜನ್ದಾರ್ ಎಲ್ರೊನ್ ರೊಡ್ರಿಗಸ್ ವೆದಿರ್ ಆಸ್’ಲ್ಲೆ.

ಉಪ್ರಾಂತ್ ದೆ. ಜೊರ್ಜಿ ಪಿಂಟೊ ಆಯ್ಕೊಳ್ ಹಾಣೆಂ ಲಿಖ್ಲಲೆ 3 ನಾಟ್ಕುಳೆ `ಸಯ್ರಿಕ್’, `ಬಾಂದ್’ ಆನಿ `ಭಿಜುಡ್’ ಕಲಾಕುಲ್ ಆನಿ ಮಾಂಡ್ ಪಂಗ್ಡಾಚ್ಯಾ ಕಲಾಕಾರಾಂನಿ ಸಾದರ್ ಕೆಲೆ. ಹೆ ನಾಟ್ಕುಳೆ ವಿಕಾಸ್ ಕಲಾಕುಲ್ ಹಾಣೆಂ ದಿಗ್ದರ್ಶಿತ್ ಕೆಲ್ಲೆ. ನಾಟ್ಕುಳ್ಯಾಂ ಮಧೆಂ ಆಲ್ರಿಶಾ ರೊಡ್ರಿಗಸ್ ಕೈಕಂಬ ಆನಿ ಸೃಜನಾ ಮತಾಯಸ್ ಹಾಣಿಂ ಜೊರ್ಜಿಚ್ಯೊ ಕವಿತಾ ಪೇಶ್ ಕೆಲ್ಯೊ.

ಕಲಾಕುಲ್ ರೆಪರ್ಟರಿ ಥಾವ್ನ್ ವೆನಿಶ, ವಿನ್ಸನ್, ಡಾರ್ವಿನ್, ವರ್ಷಿತಾ, ಜೊಯ್ಸನ್ ಆನಿ ಮಾಂಡ್ ನಾಟಕ್ ಪಂಗ್ಡಾ ಥಾವ್ನ್ ಸಂದೀಪ್, ಸವಿತಾ, ರಾಹುಲ್, ಕೇರನ್ ಆನಿ ವೆರಿನಾ ಹಾಣಿಂ ನಟನ್ ಕೆಲ್ಲೆಂ. ಜ್ಯಾಕ್ಸನ್ ಡಿಕುನ್ಹಾನ್ ವೆದಿ ಸಜವ್ಣಿ ಕೆಲ್ಲಿ ತರ್, ಜೀವನ್ ಸಿದ್ದಿನ್ ಸಂಗೀತ್ ಆನಿ ಆಮ್ರಿನ್ ಡಿಸೋಜಾನ್ ಉಜ್ವಾಡಾ ವಿನ್ಯಾಸ್ ಸಾಂಬಾಳ್ಳೊ. ಏಂಜಲ್ಸ್ ಪಡೀಲಾನ್ ಉಜ್ವಾಡ್ ಆನಿ ಸುರಭಿ ಸೌಂಡ್ಸ್ ಹಾಣಿಂ ಆವಾಜ್ ವೆವಸ್ತಾ ಕೆಲ್ಲಿ.